Juventusi është kthyer te fitorja pas humbjes në derbi nga Milani. “Zonja e vjetër” fitoi me rezultatin 4-1 kundër Sampdorias për të mbajtur vendin e liderit në tabelën e Serie A. Për bardhezinjtë shënuan Mario Mandzukic (4’), Giorgio Chiellini (9′ dhe (87’) dhe Miralem Pjanic (65’). Për miqtë shkurtoi Patrik Schick (57’).
Edhe Roma ka shënuar një fitore të rëndëishme ne fushën e Sassuolos me rezultatin 3-1. Vendasit kaluan të parët në avantazh me Paolo Cannavaro (12). Me këtë gol u mbyll pjesa e parë, por në të dytën Roma shënoi 3 herë me Dzeko (57’ dhe 76’) dhe Nainggolan (78’).
Napoli gjithashtu u kthye te fitorja duke mundur në shtëpi 2-0 Empolin. Golat u shënuan nga Mertens (51’) dhe Chiriches (81’).
Tani renditja kryesohet sërish nga Juventus me 24 pikë e ndjekur nga Roma me 22 pikë. Në vend të tretë u ngjit Napoli me 20 pikë duke zbritur një vend më poshtë Milanin me 19 pikë.
