Cristiano Ronaldo është një nga futbollistët më të përfolur si brenda fushës ashtu edhe jashtë saj, për shkak të bëmave dhe gjesteve të tij. I tillë ishte edhe rasti i minutës së 83-të kur Alvaro Morata shënoi golin e fitores për Real Madrid ndaj Athletic Bilbao. Ronaldo ngriti dorën lartë duke u nënkuptuar se portugezi po kërkon anulimin e golit për shkak të një pozicioni jashtë loje. Video ka ndritur shumë dyshime ndërsa ka nga ata që janë shprehur se portugezi ka dashur t’i tregojë gjyqtarit që goli është i rregullt.
