Arbitri i Milan-Juventus, Nicola Rizzoli, ka thyer heshtjen pas vendimit për të anuluar golin e Pjanic, të marrë një minutë më vonë dhe pas konsultimit me arbitrat anësorë.
“Problemi është se në fushë vendimet merren me elementet që ke në dispozicion” – shpjegoi arbitri.
“Gabimin që ke bërë e kupton vetëm në fund të ndeshjes. Më pas është pjesë e aftësive personale që të shkojë më tej dhe të ringrihet. Kam lexuar një pjesë të librit të Zanardit ku thuhet: “Mund të ringrihesh edhe pa këmbë”. Ky është koncepti” – tha Rizzoli. /lapsi.al/
