Ishte një moment mjaft i dyshimtë ai që ndodhi në minutën e 36-të në ndeshjen Milan – Juventus. Do të diskutohet gjatë goli i anuluar i Miralem Pjanic. Ai bëri një goditje perfekte gjatë një goditjeje dënimi. Askush nuk e preku topin që përfundoi pas krahëve të Donnarumma. Arbitri Rizzoli fillimisht konsideroi golin të rregullit, por dy minuta më pas e anuloi atë pas protestave të kuqezinjve dhe komunikimit me asistentët.
Motivi i anulimit të golit ishte pozicioni i Benatia, por më shumë i Bonucci që zgjati këmbën për të kapur topin dhe shpërqëndroi portierin e Milan. Por sipas ekspertëve, mbrojtësi i Juventus ka qenë në pozicion të rregullt. Në pozicion të parregullt ishte Benatia, por ai nuk ndërhyn në zhvillimin e aksionit. /lapsi.al/
