Vajza 15-vjeçare e olimpistit amerikan Tyson Gay është qëlluar për vdekje në Kentucky të SHBA-së. Policia dhe mediat lokale kanë njoftuar se Trinity Gay është qëlluar në qafë gjatë një konflikti mes dy grupeve në një parking të një restoranti. Ajo ishte dërguar në spital, por nuk kishte arritur t’i bënte ballë plagëve. Policia ka nisur menjëherë hetimet për gjuajtjet që ndodhën në orët e para të së dielës. Ekipi i atletikës në Amerikë ka shprehur ngushëllime për humbjen e vajzës së atletit të famshëm.
