Juventus përmbysi rezultatin ndaj Udinese duke triumfuar 2-1. “Zonja e Vjetër” e nisi keq takimin, ku e pa veten në disavantazh pas 30 minutave lojë. Jakub Jankto shokoi gjithë të pranishmit duke shënuar për 0-1. Para se skuadrat të shkojnë në pushim, Dybala shënoi një gol të bukur për ta barazuar rezultatin. Ylli i Argjentinës shënoi edhe një tjetër në fillim të pjesës së dytë, për t’i siguruar Juves 3 pikë shumë të rëndësishme në xhiron e 8-të në Serie A. Pas kësaj fitoreje, Juve ka grumbulluar 21 pikë, 5 më shumë se vendi i dytë që e mban Roma.
