Diçka e paparashikuar ndodhi gjatë konferencës së përbashkët të shtypit mes kancelares gjermane, Angela Merkel, dhe presidentit nigerian Muhammadu Buhari, i cili zhvilloi një vizitë zyrtare në Berlin.
Në përgjigje të pyetjes lidhur me kritikat që bashkëshortja e Buharit kishte shprehur ndaj tij në një intervistë për BBC-në, ai u përgjigj:
“Nuk e di cilës parti i përket ime shoqe, por normalisht vendi i saj është në kuzhinë ose në sallonin tim”.
Ajo që ra në sy ishte një shikim kritik dhe i shpejtë që i hodhi kancelarja Merkle pas kësaj deklarate, për ta kthyer më pas në një buzëqeshje.
Në një intervistë për BBC-në, Aisha Buhari ka thënë se nuk do ta mbështesë të shoqin nëse ai vendos të kandidojë sërish.
