Trajneri i kombëtares spanjolle, Julen Lopetegui ka komentuar përballjen me Shqipërinë në fund të takimit.
“Shqipëria është një skuadër që është rritur shumë këto vite, me shumë lojtarë cilësor, një grup teknik të mirë, një ambient dhe tifozeri të shkëlqyer. Ka arritur rezultate të mëdha, është kualifikuar në Europian, i ka krijuar probleme të gjithë skuadrave. Shqipëria është e vështirë për këdo”, - tha Lopetegui për “SuperSport”.
Ai vazhdon të krahasojë Shqipërinë me Italinë.
“Çdo ndeshje është e ndryshme, për shembull Italia sot (dje) ka fituar në fund me Maqedoninë. Çdo rival, çdo ndeshje është e vështirë. Nuk mund të parashikoj se si do të shkojnë gjërat në grup, por di të them që Italia është ekip i madh dhe Shqipëria gjithashtu” – tha spanjolli.
