Vladimir Putin mbushi 64 vjet në 7 tetor dhe një kompani ruse krijoi një celular të personalizuar për nder të tij.
Kompania “Caviar” krijoi 64 celularë iPhone 7 me fytyrën e Putin të skalitur nga pas.
Celulari i përbërë nga titani, ari dhe argjendi ka një çmim prej thuajse 4 mijë dollarësh.
“Celulari për patriotë”, siç e cilësoi kompania, u shit në kohë rekord.
Natyrisht që një prej këtyre kopjeve të rralla iu dërgua presidentit rus.
Nuk është hera e parë natyrisht që krijohen suvenire në nder të tij.
Më herët janë krijuar jastëkë, kalendarë apo filxhanë me fytyrën e Putin stampuar sipër.
