Avioni privat i yllit të futbollit është aksidentuar teksa ulej në aeroportin e Barcelonës “El Prat”. Në atë moment, Cristiano Ronaldo nuk ishte në bordin e aeroplanit.
Mediat botërore raportojnë se një pistë e aeroportit u mbyll për një kohë të shkurtër dhe një pilot i avionit u trajtua nga lëndimet e marra. Ylli i Real Madrid bleu këtë avion për 15 milion paund vitin e shkuar. Një burim tha për The Mirror: “Avioni merrej me qera nga kompani të ndryshme dhe kur ndodhi aksidenti as Cristiano Ronaldo dhe asnjë nga miqtë apo familjarët e tij nuk ishin në avion. Aksidenti kaloi me pasoja të vogla.”
