Fytyra e tij tregon më shumë se fjalët. Në foton lart është vetë Cristiano Ronaldo që pasi u zëvendësua në minutën e 27-të të pjesës së dytë në përballjen me Las Palmas nuk u ul në stol, por qëndroi në këmbë për të parë takimin. Vendin e tij në fushë e mori Lucas Vazquez në kohën që rezultati ishte 2-1 për “mbretërorët”. Mediat spanjolle shkruajnë se në dhomat e zhveshjes portugezi i ka kërkuar shpjegime trajnerit për zëvendësimin e tij.
“Më thuaj çfarë ishte ajo?” – ka pyetur Ronaldo.
“Chris, kemi një tjetër ndeshje të martën me Dortmundin dhe do të qëndrosh sërish 90 minuta në fushë” – ishte përgjigjja e francezit.
Në këtë moment është krijuar një situatë e keqe dhe akullin e ka thyer Pepe që i ka ka kërkuar shokut të tij të ulur në një cep të dhomës të mos e marrë për keq këtë zëvendësim.
Përpara gazetarëve Zidane ka shpjeguar: “Kemi një ndeshje të martën në Champions me Dortmund dhe për këtë e zëvendësova. Ai luajti mirë siç bën zakonisht. Por sot ishte momenti të pushonte. A ishte i pakënaqur? Ky është interpretimi juaj. Është e qartë që ai ka dëshirë të qëndrojë në fushë, por unë duhet të zgjedh dhe të mendoj edhe për ndeshjen e radhës”.
Benzinë zjarrit i ka hedhur edhe nëna e Ronaldo që ka postuar një foto të të birit me fjalët: “Mos e ul kokën”. /lapsi.al/
Nunca abaixe a cabeça pic.twitter.com/KKTMP9Ub5U
— Dolores Aveiro (@DoloresAveiro) September 24, 2016
