Sulmuesi i kombëtares shqiptare të futbollit, Shkëlzen Gashi ka shënuar 2 gola në barazimin 3-3 të skuadrës së tij Kolorado Rapids në transfertë përballë Vankuver Uajtkeps. Golin e parë Gashi e shënoi në minutën e 57 të takimit me anë të një penalltie duke i dhënë përkohësisht avantazhin 1-2 ekipit të tij. Ndërsa goli i tij i dytë ishte një kryevepër nga goditja e dënimit në minutën e 75-të. Ky gol i dha avantazhin e përkohshëm 2-3 Kolorados. Në minutën e 3-të shtesë kundërshtarët arritën ta barazonin takimin. Pas 29 ndeshjeve të zhvilluara, Kolorado Rapids numëron 48 pikë duke u renditur në vendin e 2-të të Konferencës së Perëndimit, 5 pikë pas vendit të parë, por me 2 ndeshje më pak të zhvilluara. Ky ishte goli i 7-të i Gashit në këtë sezon.
