Interi ka vijuar serinë e fitoreve në 3 të tilla me triumfin ndaj Empolit në udhëtim me rezultatin 2-0. Në minutën e 10-të një asistim të Candrevas ishte Icardi ai që realizoi me kokë për 1-0. Vetëm shtatë minuta më vonë një pasim fenomenal të Joao Marios e shfrytëzoi sërish Icardi për të shënuar për 2-0 (17’). Deri në fund Interi e pati nën kontroll takimin, duke e dominuar atë, por duke mos pranuar gol e as duke shënuar ndonjë tjetër. Me këtë fitore, Nerazzurët arrijnë në kuotën e 10 pikëve në vendin e pestë, me vetëm dy pikë më pak se lideri Juventus.
