Shitja përfundimtare e Milanit pritet të ndodhë në muajin dhjetor dhe jo në nëntor si ishte raportuar më herët.
Konsorciumi kinez, Sino-Europe Sports, ka arritur marrëveshje për ta blerë klubin italian dhe tashmë është arritur marrëveshja bazë.
Në momentin kur pronarët e rinj paguan 85 milionë euro, ishte raportuar se marrëveshja do të finalizohej këtë vit.
Madje ishte caktuar data 5 nëntor kur do të ndodhte shitja e Rossonerëve. Mirëpo, Gazzetta dello Sport tash raporton se gjërat do të finalizohen në javën e parë të dhjetorit.
Presidenti aktual, Silvio Berlusconi, është pajtuar ta shesë klubin, por do të mbajë një post këshilltar te Milani.
