Testi i pestë bërthamor në Korenë e Veriut u pasua nga një tërmet me magnitudë prej 5.3 ballësh. Epiqendra ishte sërish pranë vendit ku Koreja e Veriut kreu në janar testin e katërt. Televizioni shtetëror e dha lajmin me gëzim me prezantuesen e zakonshme. Por Perëndimi u alarmua. Koreja e Jugut beson se ky është testi më i madh që ka kryer ndonjëherë vendi komunist. SHBA paralajmëroi se kjo do ketë pasoja serioze. Edhe Kina bëri të ditur se është kundër testit dhe i kërkoi Koresë së Veriut të shmangë veprimet e tjera. Koreja e Jugut thotë se shpërthimi ishte rreth 10 kilotonë, duke e bërë këtë shpërthimin më të fortë bërthamore të Koresë së Veriut. Kujtojmë këtu se bomba që hodhi SHBA në Hiroshima ishte 15 kilotonë.
