Reforma në drejtësi ishte fjala “kyç” e kryediplomates së Bashkimit Europian Federica Mogherini gjatë fjalës së saj në Kuvend. Ajo tha se kjo reformë është e rëndësishme jo vetëm për integrimin e vendit në BE, por edhe për zhvillimin e demokracisë në vend. Gjatw njw konference tw pwrbashkwt me Kryeministrin Rama ajo deklaroi: “Ju po kaloni një proçes të qenësishëm të reformës në drejtësi. Transformimi po ndodh jo vetëm për të kënaqur komisionin Europian, por për pritshmëritë që kanë qytetarët e këtij vendi. Ajo që është arritur këtu, në reformën në drejtësi, mbetet e pa preçedent jo vetëm për rajonin, por do ishte shembull edhe për disa nga vendet e BE-së.
Ndwrsa duke folur nw kuvend pwrfaqwsuaesja e lartw deklaroi: “Ky parlament ka një detyrë para vetes, është përgjegjësia juaj, e di që është edhe përgjegjësia ime, vendi juaj po ju shikon juve. Ftesa ime, sugjerimi im është ky: Çlirohuni nga ajo pjesë e së shkuarës që bllokon të ardhmen. Këtë detyrë ia keni Shqipërisë dhe më lejoni të them se kështu i detyroheni të gjithë Evropës”, - u shpreh përfaqësuesja e Lartë e BE-së.
Ajo tha se reforma në drejtësi mund të çelë një kapitull të ri për të ardhmen e Shqipërisë duke shtuar se, “qytetarët e Shqipërisë presin që ju të bëni këtë gjë”. Më tej ajo foli për procesin e integrimit të Shqipërisë në BE duke thënë se, ky proces është në interes të përbashkët, por theksoi se “rrugëtimi në BE nuk ka të bëjë me formula të gatshme”. Ajo i kujtoi pushtetarëve shqiptarë që të mos harrojnë se çfarë ndodhi me vendin e tyre 25 vjet më parë, duke u kërkuar kështu një trajtim të mirë për refugjatët.
