Pas debateve të shumta mbi incidentet e ndodhur na ndeshjen e Superligës Laçi-Kukësi, tifozët kurbinas kanë zgjedhur një mënyrë origjinale për të treguar se Dritan Smajli, i Kukësit aktroi kur u godit nga një flakadan. Në një video të postuar në YouTube një person goditet fort në kokë me mbetjet e një flakadani. Goditjet janë të shumta por “viktima” nuk ankohet ndërsa dëgjohen të qeshura të shumta. Futbollisti Dritan Smajli u godit me flakadan në minutën e 47-të të lojës teksa po përpiqej të kryente një rivënie anësore. Pasi u godit nga flakadani drejt tij u hodhën edhe sende të tjera të forta. Smajli u lëndua rëndë saqë të nxirrej jashtë me barelë madje u transportua edhe në spital... Komisioni i Disiplinës dënoi tifozët e Laçit me 5 ndeshje pezullim, por nuk i hoqi fitoren 2-1.
