Në ndeshjen Hamburg – Paderborn në kuadër të Bundesligës u akordua një prej penalltive më të shpejta në histori të futbollit, pas vetëm 8 sekondash. Kjo është penalltia më e shpejtë në një ndeshje të Bundesligës, prej kur kanë filluar të grumbullohen statistikat. Marcell Jansen i Hamburgut u ndërpre brenda zonës nga Patrick Ziegler i Paderbornit pas vetëm 8 sekondash lojë. Dhe, gjyqtari Peter Gagelmann sinjalizoi penallti. Rafael Van der Vaart nuk gaboi nga pika e bardhë dhe e kaloi Hamburgun në epërsi në ndeshjen që në fund e fituan 3:0.
