Lojtarët e Parmës duket se nuk mund të durojnë më, u ka sosur durimi! Ata i kanë vendosur një ultimatum shoqërisë.
“Nëse nuk na japin rrogat deri në datën 16 shkurt do të marrim masa. Cassano mori një vendim ekstrem duke ikur por nuk mund të mos i japim të drejtë. Deri tani kemi dëgjuar vetëm fjalë”, tha mesfushori Daniele Gallopa.
Kështu presidenca e Parmës duhet të kruajë xhepat që të paguajë lojtarët ndryshe do të detyrohet që të luajë me futbollistët e moshave. Taçi, i cili është presidenti de facto, kishte premtuar investime të mëdha por deri tani nuk është bërëa asnjë i tillë. Kështu një klub me tradita si Parma mund të shkojë në mënyrë të parakohshme në Serinë B./mapo
