Në fillim humbja me Sassuolo. Më pas një finale e nxehtë me sherr mes tifozëve dhe Icardit. Një pasdite e zezë për Interin e Mancinit. Është kjo kronika e një thyerjeje të fortë tek Inter. Në fund të humbjes 3-1 nga Sassuolo disa nga lojtarët e Interit si Icardi dhe Guarin shkuan poshtë tifozëve dhe filluan të debatojnë me ta. Argjentinasi u bën me shenjë që të pushojnë dhe më pas shan në italisht "Pezzi di m...". Madje ai u ka hedhur bluzën në shenjë proteste. Pas toneve të nxehta të shkëmbyera nga tifozët dhe Icardi disa prej futbollistëve janë kthyer për tu sqaruar me tifozët. Megjithatë tensioni mbetet i lartë në shtëpinë Inter.
