Viti 2015 nis keq për Bayern Munich. Bavarezët pësojnë humbjen e parë në Bundesligë për këtë sezon. Skuadra e Wolfsburgut ka bërë befasinë më të madhe të vitit në Bundesligën gjermane. Wolfsburgu ka arritur të fitojë bindshëm 4-1 kundër Bayern Munich në sfidën që u luajt të premten dhe që hapi ndeshjet e Bundesligës për këtë vit. Bas Dost (4’ dhe 45’) dhe Kevin de Bruyne (53’ dhe 73’) shënuan golat e këtij triumfi për Wolfsburgun, teksa bavarezët golin e nderit e realizuan përmes Juan Bernat (55’). Megjithatë Bayern mbetet në vendin e parë me 45 pikë i ndjekur pikërisht nga Wofsburg në vendin e dytë me 37 pikë.
