Për një tifoz të vërtetë, përkushtimi për skuadrën dhe kapitenin e saj, në rastin konkret Francesco Totin, është gjithçka. Është rasti i italianit Fabrizio, tifoz i flaktë i Romës dhe “pupones”. Rasti e desh që Fabrizio të punojë për programin e kamerave të fshehta “Le Iene” dhë në këtë mënyrë ai ra në kontakt me Ilray Blasi, gruaja e Tottit prej 10 vitesh. “Le Iene”, i kishin ngritur një kurth pikërisht atij. Gjetën një mënyrë që e mbyllën në një dhomë me Ilary, dhe ajo ishte bërë bashkëpunëtore e programit duke e provokuar të riun. Duke parë që ai nuk po tundohej nga provokimet, Blasi e pyet “troç”: “A do të bësh dashuri me mua?”. Përgjigjja e tij ishte: “Gruaja e kapitenit nuk preket. Ti do të shkoje më burrin e një mikeje?”. Ajo i ka thënë se Totti nuk është miku i tij, por ai i është përgjigjur: “Më ka bërë të përjetoj shumë emocione”./lapsi.al/
