Futbollisti i Kombëtares Shqipëtare, Shkelzen Gashi, është vënë në fokusin e skuadrës angleze West Bromwich Albion. Golëshënuesi më i mirë në Zvicër mund të transferohet në Premier League, pasi ka një ofertë serioze në tavolinë nga skuadra e West Bromwich Albion. Skuadra angleze po mendon ta sjellë Gashin në Premier League që në afatin e janarit, dhe trajneri Tony Pulis po këmbëngul në transferimin e Gashit. Edhe pse WBA po e ndjek lojtarin shqiptar me interes të madh, vështirë të besohet se Baseli do ta lërë të largohet, pasi skuadra është kualifikuar në 1/8 e Ligës së Kampionëve dhe Gashi është ndër lojtarët më të mirë të klubit./aSport/
