Filippo Inzaghi rrezikon të shkarkohet nga posti i trajnerit të Milanit. Dhe, favoritë për pasardhës të tij janë Luciano Spalletti e Cesare Prandelli. Milan është në krizë dhe trajneri Filippo Inzaghi mund të shkarkohet nga detyra. Humbja 1:0 në San Siro nga Atalanta të dielën ka dridhur shumë bankinën e ish sulmuesit dhe kjo ka bërë që kryesia e klubit ngadalë të fillojë kërkimin për pasardhësin e tij. Dhe, sipas mediave italiane, dy kandidatët kryesorë për ta zëvendësuar Inzaghin në postin e strategut të Rossonerëve janë Luciano Spalletti dhe Cesare Prandelli. Vendimtare për fatin e Inzaghit pritet të jetë dueli i ardhshëm në kuadër të Serie A ku atij do t’i mjaftoj vetëm fitorja në ballafaqim me Lazion. Detyrë kjo aspak e lehtë.
