Kapiteni i Kombëtares shqiptare, Lorik Cana, e ka konfirmuar se nuk do të vazhdojë të luajë më me Lazion. Në një intervistë dhënë për Klan Kosova, Loriku deklaroi se nuk do ta vazhdojë kontratën me italianët, pasi dëshiron një sfidë të re në Gjermani. “Kam edhe një vit e gjysmë kontratë me Lacion, që do të thotë se ky do të jetë viti i fundit me Lacion. Dua të provoj edhe kampionatin gjerman, një eksperiencë që më ka munguar” - ka thënë Cana. Ai foli edhe për Kombëtaren shqiptare duke thënë se shpreson në një kualifikim madhështor për Euro 2016. Ai ka thënë se tifozët më të flaktë për tu kualifikuar janë vetë lojtarët që do të bëjnë maksimumin “për të kapur ëndrrën”.
