Kur gjendej i ‘fshirë’ nga faqet e mediave prej shumë muajsh, për shkak të formës së dobët dhe minutave të pakta të aktivizimit me skuadrën e tij Luzern, Jahmir Hyka ka dhënë shënja jete, teksa ‘Messi shqiptar’ ka gjetur dy herë rrugën e rrjetës në miqësoren me Eintracht Braunschweig, të cilën zviceranët e fituan 5-3, duke i dhënë dhe një sinjal të fortë trajnerit Marcus Babbel për fazën e dytë.
26-vjeçari u fut në lojë në pjesën e dytë, dhe menjëherë do të gjente golin e parë, në minutën e 47, duke i dhënë avantazhin e trefishtë skuadrës së tij. Pak minuta më vonë, Hyka do të shënonte golin e dytë personal, këtë rradhë një gol spektakolar me gjysem-rafyshatë.
Mesfushori duket gati për luftë këtë fazë të dytë. Babbel duhet të fillojë të bëjë llogari të tjera, mbase edhe de Biasi./aSport.info/
