Gjithçka ka ndodhur në provincën Mantovas në Itali më 17 janar. Luhet një takim mes skuadrave të rinjve të Poggeses dhe Sant’Egidio. Poggese po fitonte takimin, por kjo ka pak rëndësi. Një lojtar me ngjyrë i Sant’Egidio i shkakton një faull një kundërshtari. Ai ngrihet në këmbë dhe i ulërin në fytyrë disa herë “zezak m...”. Episodi ndodhi përballë pankinës së miqve. Trajneri 27 vjeçar dëgjon gjithçka dhe kërkon shpjegime nga arbitri i cili bën me shenjë se nuk ka dëgjuar gjë. Të njëjtën gjë edhe trajneri kundërshtar. Atëherë ai largohet në tribunë. Një e nga një 5 lojtarë të ekipit të tij dalin vullnetarisht nga fusha. Ndeshja nuk mund të vazhdojë më. Ngjarja ka marrë përmasa më të mëdha pasi e gjithë media në Itali po flet për këtë rast./lapsi.al/
