U bënë vetëm pak muaj që gazeta online Lapsi.al është futur në tregun mediatik shqiptar, me qëllimin e shpallur që në fillim për të qenë sa më pranë të vërtetës. Se sa e kemi arritur në një kohë kaq të shkurtër këtë objektiv, i mbetet lexuesve tanë ta gjykojnë. Ne jemi të kënaqur vetëm me faktin se ata rriten çdo ditë, madje me një rritëm të atillë që as nuk e kishim imagjinuar në fillim.
Pikërisht për ti shërbyer atyre, Lapsi.al, do të startojë këtë javë me dy rubrika të reja. Ngjarjet e fundit të ndodhura në Francë, na bënë të gjithëve të kuptojmë jo vetëm se sa ka ndryshuar bota, por edhe sa të ndërvarur jemi edhe ne me këto ndryshime. Pikërisht për këtë, në kemi hapur sot rubrikën e re “Planet” e cila do të përfshijë shkrime të thelluara për ngjarjet ndërkombëtare, të reja nga shkenca dhe teknologjia, pra me një fjalë të gjitha risitë e një bote që ndryshon me shpejtësi para syve tanë.
Natyrisht për ktë rubrikë i kemi sjellë lexuesve tanë edhe një ‘dhuratë speciale”. Cdo vit revista e mirënjohur botërore “The Economist” boton një numër special me atë që pritet të ndodhin në botë në vitin në vijim. Këtë e ka bërë edhe për 2015-ën. Pikërisht shkrimet më të mira të kësaj përmbledhjeje ju do ti gjeni tek “Lapsi.al”: Si do të sillet Obama gjatë këtij viti (shkrimi i parë i botuar)? Si të mësojë bota të jetojë me ariun Rus? Si po bëhet Gjermania një superfuqi? Kush mund ta ndalojë Kinën ? Mësimet që duhen nxjerrë nga epidemia e Ebolas, shpikjet e reja të smartfonëve dhe Luvri që zbarkon në Abu Dabi këto janë disa nga temat e « The Economist » që do ti sjejellë në shqip, Lapsi.al.
Një rubrikë tjetër që fillon së shpejti është edhe ajo « Dossier » ku do të trajtohen tema historike kryesisht për figura dhe ngjarje që kanë bërë historinë e këtij vendi. Një histori që sipas nesh duhet parë me realizëm dhe shpesh herë e zhveshur nga mitet që e kanë rrethuar.
Këto janë tani për tani të rejat e « Lapsi.al », i cili ashtu siç ka treguar edhe në këto pak muaj jetë, është një media e re që përpiqet të jetë gjithnjë në risi dhe në ndryshim.
