Xherdan Shaqiri ka bërë debutimin e tij me fanellën e Interit në Seria A. Ai është aktivizuar në përballjen kundër Empolit në minutën e 74-t në vend të gjermanit Lukas Podolski kur rezultati ishte 0-0. Takimi mbeti në këto shifra deri në fund dhe futja e Shaqirit nuk solli ndonjë gjë të re. Skuadra e Mancinit nuk ka arritur të tregojë forcë ndërsa vendasit kanë pasur disa raste të mira për shënim, por ishin të pafat.
Një lojë shumë të mirë ka bërë edhe mbrojtesi i Empolit dhe njekohesisht i kombetares sone, shqiptari Elseid Hysaj që ka luajtur gjatë gjithë takimit. Pas këtij barazimi, Interi është ngjitur në kuotën e 26 pikëve dhe renditet në vendin e 9-të në tabelë.
