E ka kaluar në mënyrën më të keqe të mundshme debutimin e tij për klubin francez, Rennes, Ermir Lenjani. Ai është aktivizuar nga minuta e parë në ndeshjen e Kupës së Ligës, të cilën skuadra e tij e humbi me rezultat 3-1. Futbollisti i kombëtares shqiptare është përjashtuar në minutën e 76-të. Përveç tij, te Rennes u përjashtua edhe Anders Konradsen (65’), i cili mori dy kartonë të verdhë.
Një tjetër shqiptar është ndëshkuar me karton të kuq këtë mbrëmje. Është fjala për mbrojtësin e Valencias, Shkodran Mustafi. Futbollisti që përfaqëson Gjermaninë e la fushën në minutën e 14-të në ndeshjen e Kupës së Mbretit kundër Espanyolit./lapsi.al/
