Menaxheri i Paul Pogba, Mino Raiola ka njoftuar se lojtari francez mund të largohet nga Juventus në një të ardhme të afërt. 21-vjeçari së fundmi ka nënshkruar kontratë të re me “bardhezinjtë” deri në qershor 2019. Por, përfaqësuesi i tij ka thënë se e ardhmja e tij afatgjate nuk qëndron në Itali. “Ai nuk do të mbetet në Itali për një kohë të gjatë. Gjithçka varet nga Juventus. Ne sapo kemi nënshkruar kontratën dhe jemi të lumtur, por nëse vjen momenti i duhur për t’u larguar, nuk do ta lejmë të kalojë. Nuk do të presim për të parë se çka do të ndodhë, nuk e di se kur do të vjen ai moment”, - u shpreh Raiola.
