Talenti i Kombëtares shqiptare, Herolind Shala ka gjetur një skuadër të re. Ai ka lënë Norvegjinë dhe ka udhëtuar drejt Çekisë ku ka nënshkruar një marrëveshje me një nga klubet më të njohura në këtë vend por edhe në Europë, Sparta Praga.
Kontrata me ekipin e ri është deri në vitin 2018. Këtë e ka konfirmuar edhe klubi çek. Ish-mesfushori i ekipit norvegjez “ODD Groenland” ndihet i lumtur që i është bashkuar një skuadre me emër në Europës, siç është Sparta Praga.
“Kjo është një ëndërr për mua. Sparta është një klub i madh dhe me traditë, kështu që unë me padurim pres që të filloj të luaj me fanellën e këtij klubi” - ka deklarua mesfushori kosovar për faqen zyrtare të Spartas.
