Ndeshja mes ekipit zviceran të Grasshopper dhe atij gjerman të Darmstadt është ndërprerë për shumë minuta për shkak të incidenteve. Bëhet fjalë për takimin që zhvillohej në kuadër të “Frankfurt Cup 2015” për futbollin në salla të mbyllura. Lojtarët e ekipit zviceran dhe atij gjerman janë përplasur në fushë pas një ndërhyrjeje të rëndë. Më pas përleshjet nisën edhe në shkallët e tifozëve. Tifozët e ekipit zviceran, Grasshopper, hodhën sende të forta dhe shishe birre tek tifozët e Darmstadt. Është dashur ndërhyrja e policisë të ndalë dhunën. 200 tifozët zviceranë janë nxjerrë jashtë nga salla.
