Xherdan Shaqiri ka veshur tashmë fanellën e Interit. Ai u prit në Milano nga qindra tifozë, që e konsiderojnë njeriun e duhur për ta nxjerrë skuadrën nga situata e vështirë. Interi gjendet në vendin e 11. Shaqiri sigurisht e njeh situatën tek klubi zikaltër. Ai kërkohej edhe nga ekipe të mëdha si Arsenali, Liverpuli e Mancester United. Por zgjodhi Interin. Një ndër arsyet kryesore është se ai ka qenë i përzgjedhuri i trajnerit Mancini.
“Mancini më telefonoi. Ai më dëshiroi shumë dhe unë jam i lumtur të punoj me të,” ka thënë mesfushori 23 -vjeçar për Daily Star.
“Jam shumë i lumtur që jam tek Interi dhe dua të arrij synimet e mia. Nuk dua të flas për Bayern M. Unë u përshendeta me lojëtarët e Bayern dhe me klubin jam tërësisht në rregull”, - ka shtuar më tej ai. Shaqiri do të luajë deri në qershor në formë huazimi. Më pas Inter do të paguajë 15 milionë euro për të blerë kartonin e tij.
