Merr fund “telenovela” Shaqiri. Nga sot ai është një lojtar i Inter. U arrit më në fund marrëveshja me Bayern pas një takimi rreth 2 orësh të zhvilluar në Mynih. Ai do të huazohet te ekipi italian deri në fund të sezonit ku do të paguhen 15 milionë euro. Paga e tij përflitet të jetë rreth 3 milionë në sezon ku përfshihen edhe bonuset.
Sipas mediave italiane kontrata e 23 vjeçarit nga Gjilani do të jetë deri në qershor të 2019. Afrimi i Xherdan Shaqirit u krye, pasi te Inter është afruar edhe Lukas Podolski. Për mesfushorin kosovar interesohej edhe Juventus e Liverpool. Xherdan Shqiri largohet nga Bayern pas gati 3 vjetësh ku ka fituar 8 trofe me skuadrën gjermane mes të cilave Champions League dhe Botërorin e klubeve. Shaqiri nuk arriti të siguronte një vend si titaullar gjatë qëndrimit te bavarezët./lapsi.al/
