Inter dhe Bayern Munich kanë rihapur tratativat me anë të telefonit për Shaqirin. Gazeta italiane “La Gazzetta dello Sport” shkruan se Marco Fassone i Inter vijon negociatat me gjermanët për të marrë në ekip kosovarin. Po punohet pa pushim dhe për çdo detaj. Gazeta ka mësuar se ndërkohë është bërë gati edhe një avion personal, që në rast të arritjes së marrëveshjes ai të sjellë sa më shpejt Shaqirin në Milano. Megjithatë gazeta tërheq vëmendjen pasi në garë mjaft të fortë janë edhe Liverpool dhe Stoke City.
Vetë lojtari ka preferuar një marrëveshje me Interin. 2.5 milion euro në sezon plus bonuset si dhe kontratë deri në vitin 2019. Por për këtë ende nuk është bindur Bayern. Bisedimet po luhen mes drejtorit të Përgjithshëm të Inter Marco Fassone dhe Administratorit të Deleguar të Bayern Karl Heinz Rummenigge.
Problem është vetëm mënyra e pagesës. Inter kërkon të paguajë 12 milion euro në 3 vite duke shtuar këtu edhe bonuset ndërsa Liverpool ka një ofertë më të mirë. Anglezët u japin gjermanëve 15 milion euro menjëherë ndërsa për lojtarin 3 milion euro në sezon./lapsi.al/
