Juventus është ndalur nga Interi në Torino. Derbi i Italisë përfundoi në barazim 1 - 1. Golin e parë e shënoi Tevez në minutën e ‘5, pas një driblimi fantastik në zonë të Arturo Vidal. Juventus e dominoi edhe për pak minuta lojën në pjesën e parë. Por në 45 minuta nuk pati ndryshim. Interi e kërkoi më shumë golin në pjesën e dytë. Aktivizimi i Podolskit e fuqizoi më tepër sulmin. Goli i barazimit erdhi në minutën e ’64 nga Mario Icardi. Pak minuta më vonë Icardi humbi edhe një rast të pastër shënimi, pas një pasimi nga Podolski. Brenda disa minutash ai shpërdoroi edhe një tjetër rast, pasi nuk pasoi tek Osvaldo apo tek Podolski që ishin të vetëm në zonë, por gjuajti jashtë. Me këtë barazim Juventus ruan vendin e parë në kuotën e 40 pikëve, ndjekur nga Roma me 39 pikë. Ndërsa inter është në vendin e 11 me 22 pikë. Ndeshjen e ardhshme Juventus do ta luajë me Napolin që ndodhet në vendin e 4 me 30 pikë, ndërsa Interi me Xhenovën e vendit 5 -të.
