Etrit Berisha do të vazhdojë të jetë me Lacion edhe në muajt në vazhdim. Të paktën, kështu ka vendosur për momentin klubi bardhekaltër, në sajë të Igli Tares, drejtorit sportiv të Lacios, i cili ka bërë të ditur se shtatlarti i Kombëtares së Shqipërisë nuk do të lëvizë. Federiko Marketi në katë muajt e parë të këtij sezoni ka luajtur titullar më shumë se sa portieri shqiptar nga Prishtina, që ka pasur disa oferta nga klube si Verona, që kanë kërkuar huazimin e tij. Por, Tare, i bindur për potencialin dhe, sidomos, duke qenë se Lacio do të synojë edhe Kupën e Italisë, e ka mbajtur.
