Skuadra e Lazios ka organizuar një darkë për festën e Krishtlindjeve, derisa të pranishëm ishin edhe Lorik Cana e Etrit Berisha. Ky i fundit ka prezantuar edhe të dashurën. Pas fitores ndaj Atalantas, me rezultat 3-0, skuadra e Lazios është mbledhur në një prej restoranteve të Romës për të festuar si ekip Krishtlindjet dhe Vitin e Ri. Ajo që ra në sy gjatë kësaj feste ishte portieri i Kombëtares shqiptare, Etrit Berisha që kishte zgjedhur të shkonte me të dashurën, për të cilën nuk ka fare informacion: si quhet, sa vjeçe është, është shqiptare, italiane apo...
Kurse, në festë nuk mund të mungonte as kapiteni i ekipit kuqezi, Lorik Cana, i cili ishte me bashkëshorten e tij Monica.
