Një tjetër peshëngritës shqiptar dyshohet të ketë dalë pozitiv në testin e parë antidoping. Lapsi.al mësoi se në Federatën Shqiptare të Peshëngritjes ka mbërritur një zarf me emrin e peshëngritësit që dyshohet se ka përdorur substanca të ndaluara në Europianin e moshave të reja. Lapsi.al kërkoi të kontaktonte drejtues të Federatës Shqiptare të Peshëngritjes, por ata nuk kanë dhënë asnjë deklaratë zyrtare dhe nuk bënë të ditur emrin e peshëngritësit. Nëse kjo do të bëhet zyrtare do të ishte peshëngritësi i tretë brenda një viti që rezulton se ka përdorur substanca të ndaluara. Kjo do të ishte një goditje e fortë, pas rasteve të Arbër Çerçizit i pezulluar për 2 vjet dhe Romela Begajt që po pret përgjigjen e testit të dytë duke njollosur edhe më shumë sportin shqiptar./lapsi.al/
