Një tjetër zyrtar ka përfunduar në pranga për vjedhje të energjisë. Drejtori i spitalit të Peqinit, D. M. u arrestua në flagrancë pasi punonjësit e OSHEE konstatuan se në matësin e vendosur në një biznes të tij privat ishte ndërhyrë me qëllim që ai të mos regjistronte sasinë reale që konsumohej. Sipas burimeve nga OSHEE, ndërhyrja në sahatin e 56 -vjeçarit me profesion mjek ishte bërë prej shumë kohësh. Me këtë linjë Malkja furnizonte një farmaci dhe një klinikë dentare. Mësohet se drejtori i spitalit të Peqinit nuk e ka pranuar vjedhjen dhe ka deklaruar se ndërhyrja në aparat është bërë për shkak se ai ishte me defekt.
