I rikthyer vetëm një javë më parë nga lëndimi, Armando Sadiku arriti të shënonte një gol në fitoren 5-0 të Zyrihut përballë modesteve të Cham, sfidë e vlefshme për Kupën e Zvicrës.
Sulmuesi shqiptar i cili u rikthye të luante për herë të parë si titullar me skuadrën e tij pas një mungese 8 mujore për shkak dëmtimi përveç golit zhvilloi në tërësi një ndeshje shumë të mirë, duke i dërguar një sinjal mëse të qartë trajnerit të kombëtares Gianni De Biasi se që tani e tutje është edhe ai një kandidat potencial për sulmin e përfaqësues kuqezi.
