Chelsea ka arritur të mposhtë me lehtësi Tottenham Hotspur në atë që konsiderohet si derbi i Londrës. Skuadra e Jose Mourinhos e dominoi plotësisht këtë sfidë, duke triumfuar në fund 3-0. Golat për “blutë” u shënuan nga Eden Hazard (19’), Didier Drogba (22’) dhe Loic Remy (73’).
Fitore të lehtë, të mërkurën shënoi edhe Manchester City, skuadër e cila mposhti 4:1 Sunderlandin. Sergio Aguero (21’ dhe 71’), Stevan Jovetic (39’) dhe Pablo Zabaleta (55’) shënuan golat e këtij triumfi të skuadrës nga Etihad, teksa Connor Ëickham (19’) realizoi golin e vetëm të vendasve.
Fitore të vështirë në Emirates ka shënuar Arsenali, që mposhti 1-0 skuadrën në top-formë, Southampton. Edhe pse e dominoi këtë sfidë, Arsenalit iu desh një gol i vonshëm për t’i fituar tre pikët. Kiliani, Alexis Sanchez, shënoi golin e vetëm në minutën 89’. Chelsea vazhdon të kryesojë në renditje me 36 pikë, duke lënë prapa me 30 pikë Cityn, teksa Arsenali zë vendin e gjashtë me 23 pikë.
