Një milion franga zvicerane ose thënë ndryshe rreth 830 mijë euro. Kaq është e predispozuar që të paguajë Verona për të pasur që në janar shërbimet e Ermir Lenjanit. Lajmi bëhet i ditur nga mediat zvicerane, sipas të cilave ka shumë gjasa që klubi i St.Galenit, i cili ka në pronësi për momentin kartonin e lojtarit, ta shesë për këtë shifër. Në fakt te St.Galeni i druhen faktit se Lenjani mund të presë deri në fund të sezonit dhe më pas të largohet me parametër zero, duke qenë se i përfundon kontrata në qershor 2015, ndaj po bëjnë të pamundurën që ta shesin në merkaton e janarit. Sipas "Panorama", mëngjarashi kërkohet edhe nga Shtutgarti dhe Këlni në Gjermani.
