Si zakonisht gjithcka fillon me një fjalë. Por këtë radhë ka qenë një frazë. Ka mjaftuar shprehja tallëse “minj bashkie” që përdoret nga ana e tifozëve të Partizanit ndaj atyre të Tiranës që cdo gjë të marri flakë. Tifozat elbasanas jo vetëm që kanë thërritur në kor “minj bashkie», por ata madje kanë vendosur disa qese me djathë në portën hyrëse së anës se ku do të qëndronin “fanatiksat bardheblu”.
Kjo pasi kundërshtarët e tyre, dhe konkretisht rivalët e përjetshëm të Partizanit, në mënyrë tallëse në përballjet ndaj Tiranës, i cilësojnë bardheblutë si “minjtë e bashkisë”, për faktin se klubi sportiv i Tiranës, ka pasur gjithnjë si financues kryesor Bashkinë e kryeqytetit.
Kjo mesa duket ka qenë shkëndija që ka provokuar nervat e tifozëve kryeqytetas, të cilët kanë vepruar në mënyrë të rëndë, duke dëmtuar stadiumin e “Elbasan Arena”..
Ndeshja Elbasani-Tirana, u ndërpre për 7 minuta, në minutën e 62-të të takimit, kur rezultati ishte i barabartë në shifrat 2-2. Ultrasit e të dyja ekipeve reaguan duke prishur jo vetëm shkallët e stadiumit por edhe tabelën elektronike si dhe djegur barin e fushës.
Për këtë rast, policia arrestoi dhe nisi procedimet penale ndaj 6 tifozëve, si autorë të dëmeve. Kjo nuk është hera e parë që ultrasit bardheblu përfshihen në konflikte mes tifozerish, ku vetëm pak kohë më parë, u bënë protagonistë në prishjen dhe dëmtimin e stadiumit të Shkodrës “Loro Boriçi” në ndeshjen Vllaznia-Tirana.
