Chelsea dhe Shakhtar Donetsk janë ekipet që kanë siguruar kalimin në turin tjetër të UEFA Champions League në Grupin G pas triumfit të thellë 5 – 0 me Schalken. Anglezwt arritwn kështu njw fitore të thellë pas suksesit 6 – 0 me Maribor në javën e tretë të Champions. Fitore edhe për PSG që ka mbajtur kreun e Grupit F duke mundur Ajax me rezultatin 3-1.
Shakhtar Donetsk e ka siguruar kualifikimin edhe pse është mundur 1 – 0 nga Athletic Bilbao, pasi disfata 3 – 0 e BATE Borisov me Porto e ka ndihmuar ekipin ukrainas të vijojë garën në UEFA Champions League.
Sporting është më pranë kualifikimit pas fitores 3 – 1 me Maribor. Pjesa e dytë e kësaj sfide ka nisur me rreth 45 minuta vonesë për shkak të një difekti në sistemin e ndriçimit të stadiumit të “Jose Alvalade” të Lisbonës.
Në Grupin E është ende e hapur çështja e kualifikimit për vendin e dytë. Roma ka barazuar 1 – 1 me CSKA në Moskë. Manchester City ka mundur Bayern Munchen me rezultatin 3 – 2.
Bavarezët kanë zhvilluar shumë minuta me 10 futbollistë pas ndëshkimit me karton të kuq të mbrojtësit Benatia. Gjithçka do të vendoset vetëm në javën e fundit për ekipin që do t’i bashkohet Bayern në fazën e ardhshme. Roma, CSKA dhe Manchester City janë në të njëtën kuotë pikësh nga 5./lapsi.al/
