Ashtu si Milani një ditë më parë edhe ekipit tjetër i këtij qyteti në Seria A, Interi nuk ka arritur më shumë se një barazim 2:2 përballë Veronës. Veronezët kaluan të parët në epërsi me golin e Luca Tonit, në minutën e 10-të. Interi barazoi rezultatin në 1:1 me golin e Mauro Icardit. Ky i fundit shënoi për 2:1 vetëm katër minuta pas fillimit të pjesës së dytë. Nicolas Lopez, barazoi rezultatin një minutë pa përfunduar takimi.
Roma u është rikthyer fitoreve. “Verdhekuqtë kanë mposhtur në stadiumin ‘Olimpico’ skuadrën e Torinos me rezultat 3:0. Golat për ekipin e Rudi Garcias i kanë realizuar: Vasilios Torosidis (8), Seydou Keita (27) dhe Adem Ljajic (58).
Pas kësaj fitore, Roma është ngjitur në kuotën e 25 pikëve, tre më pak se Juventusi, kryesues i Serie A.
