Bayern Munich mposhti Borussia Dortmund me rezultat 2:1 në javën e dhjetë të Bundesligës. Ekipi i Pep Guardiolas fitoi duke përmbysur rezultatin pasi pjesën e parë e mbylli me humbje. Ekipi i Jurgen Klopp e mbylli pjesën e parë me avantazh prej 0:1 me golin e realizuar nga Marco Reus në minutën e 31. Barazpesha u vendos në minutën e 72 kur Robert Lewandowski barazoi rezultatin në 1:1. Fitoren vendasve ua siguroi Arjen Robben, me një penallti 4 minuta para fundit të kohës së rregullt.
Pas kësaj fitore, Bayern Munich është ngjitur në kuotën e 22 pikëve, 4 më shumë sesa Wolfsburg që gjendet në vendin e dytë të Bundesligës.
E habitshme, por Borussia Dortmund është shumë keq në renditje, madje në këtë pikë duket sikur ekipi i Jurgen Kloppit rrezikon rënien nga kategoria. Borussia gjendet në vendin e 16-të në renditje me vetëm 7 pikë. Në 5 takimet e fundit regjistron 4 humbje dhe 1 barazim.
