Partizani dhe Tirana mbeten në krye me pikë të barabarta edhe pas javës së 10 të Superligës. Dy klubet e kryeqytetit kanë marë fitore respektive në ndeshjet e luajtura sot.
Partizani ka mposhtur 2-0 në “Qemal Stafa” Laçin e Armando Cungut. Takimi ka sjellë në vëmendje ndeshjen mes Gramozit dhe Realit të Madridit kur u fikën dritat në stadium. Për shkak të një problemi me energjinë arbitri Emirjon Sino vërshëllu për fillimin e ndeshjes 10 minuta me vonese.
Goli i parë erdhi nga një goditje e serbit Raçiç, portieri Vujadinovic nuk e kontrollon dot topin dhe Vila s’e ka të vështirë të finalizojë. Vetëm 6 minuta më vonë sërish Partizani në aksion. Raçiç pengohet në mënyrë të gabuar nga portieri Vujadinoviç. Mazrekaj godet nga pika e bardhë dhe dyfishon shifrat.
Edhe Tirana në ndeshjen tjetër vazhdon të tregojë një formë mjaft të mirë duke fituar lehtësisht në Fier 3-0. Golat e Ndikumanës, Bakaj dhe Gentian Muçës kanë vulosur fitoren e Tiranës.
