Shtyrja e vendimit për ndeshjen Serbi-Shqipëri u bë me kërkesë të vetë Komisionit Disiplinor të UEFA-s. Shkak për këtë u bënë dosjet voluminoze të paraqitura nga dy federatat e futbollit, shqiptare dhe serbe.
Anëtarët e komisionit të disiplinës kanë kërkuar me shumë kohë për të ekzaminuar në detaje çdo gjë të shkruar në dosjet respektive.
Të dyja federatat ja hedhin përgjegjësinë njëra tjetrës për atë çka ndodhi në Beograd, ajo serbe mbështetet tek droni me flamurin e Shqipërisë së Madhe i cili sipas tyre provokoi rëndë popullin serb dhe jo vetëm, ndërsa federata shqiptare ka fakte të pakontestueshme duke filluar nga dhuna fizike e ushtruar ndaj lojtarëve kuqezi, tek koret raciste.
Komisioni do ta publikojë vendimin në faqen e UEFA-s ndërsa ai mund të dërgohet në apel ose në gjykatën sportive në Lozanë.
